Cadarnhau Diwygio Ffiniau Caerffili
Llywodraeth Cymru yn derbyn argymhellion CFfDLC
Bu cadarnhad heddiw y bydd newidiadau i ffiniau wardiau cyngor Caerffili yn digwydd wrth i Lywodraeth Cymru penderfynu derbyn argymhellion Comisiwn Ffiniau a Democratiaeth Leol Cymru, gyda newidiadau i 5 o’r argymhellion.
Anfonwyd Argymhellion Terfynol y Comisiwn i Lywodraeth Cymru ar 5 Tachwedd 2020 ac mae’r Gweinidog dros Cyllid a Llywodraeth Leol wedi cadarnhau heddiw bod y penderfyniad wedi ei gwneud i dderbyn yr argymhellion.
Mae’r newidiadau a’u cytunwyd gan Lywodraeth Cymru yn golygu y bydd Caerffili yn gweld gostyngiad yn ei nifer o gynghorwyr, o 73 i 69. Fe fydd yna 1,886 o bleidleiswyr ar gyfer bob aelod o’r cyngor ar gyfartaledd.
Yn ogystal a hyn, mi fydd y nifer o wardiau on gostwng o 33 i 31, gyda 25 ohonynt yn ethol mwy nag un cynghorydd.
Mi fydd 13 ward yn ethol 2 gynghorydd, 11 ward yn ethol 3 cynghorydd, ac 1 ward yn ethol 4 cynghorydd.
Ni fydd unrhyw newid i 24 ward yn sgil y diwygio yma.
Yn ysgrifennu yn y Datganiad Ysgrifennedig, dywedodd y Gweinidog ei bod yn fodlon bod y Comisiwn wedi cyd-fynd a gofynion y Ddeddf Llywodraeth Leol (Democratiaeth) (Cymru) 2013, a’r trefniadau manwl yn ei ddogfen Polisi ac Arfer y cytunwyd arni wrth ymgymryd â’r Arolwg Etholiadol o Gaerffili.
Yn ymateb i benderfyniad y Llywodraeth, dywedodd Shereen Williams MBE OStJ, Prif Weithredwr y Comisiwn Ffiniau a Democratiaeth Leol:
“Dwi’n hapus iawn fod Llywodraeth Cymru wedi derbyn y mwyafrif o’n hargymhellion.
“Mi fydd y newidiadau yma yn dod a gwell cydraddoldeb etholiadol i bobl Caerffili.
“Hoffaf ddiolch i bawb a gyfrannodd i’r arolwg, yr aelodau o’r cyhoedd, cynghorwyr, cyngor Caerffili, ac unrhyw un a anfonodd gynrychiolaeth neu a gyfrannodd mewn unrhyw ffordd arall.”
Mi fydd y newidiadau yn dod i rym ar gyfer etholiadau lleol 2022.
Y rhestr o wardiau Cadwedig:
- Abercarn
- Cwm Aber
- Crosskeys
- Crymlyn
- Gilfach
- Hengoed
- Llanbradach
- Maesycwmer
- Nelson
- Tredegar Newydd
- Penmaen
- Pontllanfraith
- Risca West
- Argoed
- Coed-duon
- Cwm Darran
- Morgan Jones
- Trecelyn
- Penyrheol
- Risca East
- Sant Catwg
- Sant Martin
- Ynys-ddu
- Ystrad Mynach
Argymhellion ni dderbyniwyd gan Lywodraeth Cymru.
Trefniadau wardiau etholiadol
Mi fydd y wardiau etholiadol Hengoed, Llanbradach, Sant Catwg, Ystrad Mynach, a Crosskeys ac Ynysddu yn parhau fel y maent.
Enwau wardiau etholiadol
Argymhellodd y Comisiwn y dylid cadw’r enw etholiadol unigol Abercarn. Bydd yr enw Cymraeg Aber-carn yn cael ei roi i’r ward etholiadol.
Argymhellodd y Comisiwn y dylid cadw’r enw etholiadol unigol Maesycwmmer. Bydd yr enw Cymraeg Maesycwmwr yn cael ei roi i’r ward etholiadol.
Argymhellodd y Comisiwn yr enw unigol Pontllan-fraith. Bydd yr enw Cymraeg Pontllan-fraith a’r enw Saesneg Pontllanfraith yn cael eu rhoi i’r ward etholiadol.
Mae Datganiad Ysgrifenedig Llywodraeth Cymru yn cyhoeddi'r penderfyniad i'w weld yma.