Cadarnhau Diwygio Ffiniau Merthyr Tudful
Llywodraeth Cymru yn derbyn argymhellion CFfDLC
Bu cadarnhad heddiw y bydd newidiadau i ffiniau wardiau cyngor Merthyr Tudful yn digwydd wrth i Lywodraeth Cymru penderfynu derbyn argymhellion Comisiwn Ffiniau a Democratiaeth Leol Cymru, gyda man newidiadau i enwau ambell ward yn y Gymraeg yn unig.
Anfonwyd Argymhellion Terfynol y Comisiwn i Lywodraeth Cymru ar 29 Hydref 2019 ac mae’r gweinidog dros cyllid a llywodraeth leol wedi cadarnhau heddiw bod y penderfyniad wedi ei gwneud i dderbyn yr argymhellion.
Mae’r newidiadau a’u cytunwyd gan Lywodraeth Cymru yn golygu y bydd Merthyr Tudful yn gweld gostyngiad yn ei nifer o gynghorwyr, o 33 i 30. Fe fydd yna 1,509 o bleidleiswyr ar gyfer bob aelod o’r cyngor ar gyfartaledd.
Bydd yna 11 o wardiau yn parhau i fod, gyda bob un ohonynt yn ethol mwy nag un cynghorydd.
Mi fydd 4 ward yn ethol 2 aelod, 6 yn ethol 3 aelod, ac 1 yn ethol 4 aelod.
Ni fydd unrhyw newid i 8 ward yn sgil y diwygio yma.
Cafodd ychydig o’r argymhellion yn ymwneud â enwau Cymraeg ar gyfer ambell ward eu gwrthod gan Lywodraeth Cymru.
Yn ymateb i benderfyniad y Llywodraeth, dywedodd Shereen Williams MBE OStJ, Prif Weithredwr y Comisiwn Ffiniau a Democratiaeth Leol:
“Dwi’n hapus iawn fod Llywodraeth Cymru wedi derbyn ein hargymhellion gyda man-newidiadau yn unig.
“Mi fydd y newidiadau yma yn dod a gwell cydraddoldeb etholiadol i bobl Merthyr Tudful.
“Hoffaf ddiolch i bawb a gyfrannodd i’r arolwg, yr aelodau o’r cyhoedd, cynghorwyr, cyngor Merthyr Tudful, ac unrhyw un a anfonodd gynrychiolaeth neu a gyfrannodd mewn unrhyw ffordd arall.”
Mi fydd y newidiadau yn dod i rym ar gyfer etholiadau lleol 2022.
Y rhestr o wardiau Cadwedig:
- Bedlinog
- Plymouth
- Cyfarthfa
- Town
- Ynysowen
- Treharris
- Penydarren
- Faenor
Argymhellion ni dderbyniwyd gan Lywodraeth Cymru.
- Cynigiodd y Comisiwn y dylid rhoi i ward etholiadol Parc yr enw Cymraeg Parc. Bydd yr enw Cymraeg Y Parc yn cael ei roi i’r ward etholiadol.
- Cynigiodd y Comisiwn na ddylid newid ward etholiadol Bedlinog. Bydd yr enw Cymraeg Bedlinog a Threlewis a’r enw Saesneg Bedlinog and Trelewis yn cael ei roi i’r ward etholiadol.
- Mae’r adroddiad yr Argymhellion Terfynol ar gyfer Cyngor Sir Merthyr Tudful i'w weld yma, ynghyd â mapiau o bob ward arfaethedig: https://cffdl.llyw.cymru/adolygiadau/10-19/argymhellion-terfynol-ar-gyfer-merthyr-tudful
- Mae Datganiad Ysgrifenedig Llywodraeth Cymru yn cyhoeddi'r penderfyniad i'w weld yma: https://llyw.cymru/datganiad-ysgrifenedig-adolygiad-o-ffiniau-etholiadol-awdurdodau-lleol-yr-wybodaeth-ddiweddaraf-3?_ga=2.5957104.2125775566.1628760375-1278016688.1623850757