Cadarnhau Diwygio Ffiniau Ceredigion
Llywodraeth Cymru yn derbyn argymhellion CFfDLC
Bu cadarnhad heddiw y bydd newidiadau i ffiniau wardiau cyngor Ceredigion yn digwydd wrth i Lywodraeth Cymru penderfynu derbyn argymhellion Comisiwn Ffiniau a Democratiaeth Leol Cymru, gyda man newidiadau i enwau ambell ward yn y Gymraeg yn unig.
Anfonwyd Argymhellion Terfynol y Comisiwn i Lywodraeth Cymru ar 31 Mai 2019 ac mae’r gweinidog dros cyllid a llywodraeth leol wedi cadarnhau heddiw bod y penderfyniad wedi ei gwneud i dderbyn yr argymhellion.
Mae’r newidiadau a’u cytunwyd gan Lywodraeth Cymru yn golygu y bydd Ceredigion yn gweld gostyngiad yn ei nifer o gynghorwyr, o 42 i 38. Fe fydd yna 1,384 o bleidleiswyr ar gyfer bob aelod o’r cyngor ar gyfartaledd.
Yn ogystal a hyn, mi fydd y nifer o wardiau on gostwng o 40 i 34, gyda 4 ohonynt yn ethol 2 cynghorydd.
Ni fydd unrhyw newid i 19 ward yn sgil y diwygio yma.
Cafodd ychydig o’r argymhellion yn ymwneud â enwau Cymraeg ar gyfer ambell ward eu gwrthod gan Lywodraeth Cymru.
Yn ymateb i benderfyniad y Llywodraeth, dywedodd Shereen Williams MBE OStJ, Prif Weithredwr y Comisiwn Ffiniau a Democratiaeth Leol:
“Dwi’n hapus iawn fod Llywodraeth Cymru wedi derbyn ein hargymhellion gyda man-newidiadau yn unig.
“Mi fydd y newidiadau yma yn dod a gwell cydraddoldeb etholiadol i bobl Ceredigion.
“Hoffaf ddiolch i bawb a gyfrannodd i’r arolwg, yr aelodau o’r cyhoedd, cynghorwyr, cyngor Ceredigion, ac unrhyw un a anfonodd gynrychiolaeth neu a gyfrannodd mewn unrhyw ffordd arall.”
Mi fydd y newidiadau yn dod i rym ar gyfer etholiadau lleol 2022.
Y rhestr o wardiau Cadwedig:
- Aberteifi/Cardigan-Mwldan
- Aberystwyth Penparcau
- Aberystwyth Rheidol
- Borth
- Ceulanamaesmawr
- Ciliau Aeron
- Faenor
- Llanarth
- Llandyfriog
- Llanfarian
- Llanfihangel Ystrad
- Llangeitho
- Llangybi
- Llanrhystyd
- Llanwenog
- Melindwr
- Tirymynach
- Trefeurig
- Ystwyth
Argymhellion ni dderbyniwyd gan Lywodraeth Cymru.
- Cynigiodd y Comisiwn y dylid rhoi i ward etholiadol Ceulanamaesmawr yr enw unigol Ceulanamaesmawr. Bydd yr enw unigol Ceulan a Maesmawr yn cael ei roi i’r ward etholiadol.
- Cynigiodd y Comisiwn y dylid rhoi i ward etholiadolLlanarth yr enw unigol Llanarth. Bydd yr enw unigol Llannarth yn cael ei roi i’r ward etholiadol.
- Cynigiodd y Comisiwn y dylid rhoi i ward etholiadol Aberporth a’r Ferwig yr enw Cymraeg Aberporth a’r Ferwig. Bydd yr enw Cymraeg Aber-porth a’r Ferwig yn cael ei roi i’r ward etholiadol.
- Cynigiodd y Comisiwn y dylid rhoi i ward etholiadol Gogledd Llandysul a Throedyraur yr enw Cymraeg Gogledd Llandysul a Throedyraur. Bydd yr enw Cymraeg Gogledd Llandysul a Throed-yr-aur yn cael ei roi i’r ward etholiadol.
- Mae’r adroddiad yr Argymhellion Terfynol ar gyfer Cyngor Sir Ceredigion i'w weld yma, ynghyd â mapiau o bob ward arfaethedig: https://cffdl.llyw.cymru/adolygiadau/05-19/argymhellion-terfynol-ar-gyfer-ceredigion
- Mae Datganiad Ysgrifenedig Llywodraeth Cymru yn cyhoeddi'r penderfyniad i'w weld yma: