Arolwg 2026
Bydd Arolwg 2026 o etholaethau’r Senedd yn cael ei gynnal yn unol â Deddf Senedd Cymru (Aelodau ac Etholiadau) 2024.
Mae Rheolau’r Ddeddf yn nodi bod yn rhaid i’r Comisiwn greu 16 o etholaethau’r Senedd drwy baru 32 o etholaethau seneddol (San Steffan) cyffiniol.
Dyddiadau allweddol
- Mae’r Comisiwn yn cyhoeddi ei Ganllaw i’r Arolwg ar 19 Gorffennaf 2024
- Mae Cynigion Cychwynnol i’w cyhoeddi ym mis Medi 2024
- Mae Cynigion Diwygiedig i’w cyhoeddi ym mis Rhagfyr 2024
- Mae Penderfyniadau Terfynol i’w cyhoeddi ym mis Mawrth 2025
Ymgynghoriadau
Yn dilyn cyhoeddi'r Cynigion Cychwynnol a'r Cynigion Diwygiedig, bydd cyfnodau ymgynghori o 4 wythnos.
Mae'r Comisiwn yn gwahodd sylwadau ar y paru, yr enwi, a dynodi etholaethau yn ystod y cyfnodau ymgynghori hyn. Ni all y Comisiwn ystyried unrhyw sylwadau a wneir y tu allan i'r cyfnodau ymgynghori.
Ni all y Comisiwn ychwaith effeithio ar nifer yr Aelodau o’r Senedd sydd i’w hethol na’r system etholiadol a ddefnyddir i’w hethol ac ni ellir ystyried cynrychiolaethau ar y materion hyn.
Dylid gwneud sylwadau yn ysgrifenedig, ar borth ymgynghori ar-lein y Comisiwn, drwy e-bost, neu yn y post. Cyhoeddir rhagor o fanylion am yr ymgynghoriadau fel rhan o'r adroddiad Cynigion Cychwynnol.
Yn dilyn cyhoeddi’r Penderfyniadau Terfynol, bydd yr etholaethau newydd yn dod i rym yn etholiad y Senedd 2026.
Y Comisiwn
Gallwch gael rhagor o wybodaeth am y Comisiwn, gan gynnwys ei aelodaeth bresennol, yma.
Os hoffech ragor o wybodaeth, anfonwch e-bost atom i ymholiadau@cdffc.llyw.cymru neu ffoniwch 029 2046 4819.